كيف زرعت الشجرة؟

* * * ما أجمل أن يضع المرء هدفا له في الحياة.. فيا سعد من ثابر من أجله وواصل حتى يلقاه * * *

وإنشاء مدونة كانت من أهدافي الأزلية اللي عرّفتني عليها الالكترونية بنت خالي فاتن الله يحفظها << اش رأيك في اللقب بس؟ 😛 بس ماكنت عارفة متى حأبدئها بسبب انشغالي الدائم أوبالأصح ترددي لبدء مشروع جبار زي كدا وحيكون في النت اللي انا مني فالحة فيه كثير 😕

السؤال المطروح: طيب اش المعجزة اللي صارت عشان افتح المدونة؟؟

في ظهر يوم الإثنين الموافق ١٤٣١/١٠/١١ هـ كنت أقرأ المستجدات في مدونة تونا.. وداك اليوم كنت سهرانة أصلاً فغفيت فجأة بدون ما أدري << نقول عليها ” أُغمَن عليا “ 🙂

ومن كثر ما كنت مشكوحة << يعني مبسوطة، حلمت بريما اختي وفاتن وفي راصنا هبقة نبغى نعزم نفسنا على تمشية << مساكين ما عندهم أحد يوديهم 😛 .. وفي النهاية قررنا إننا نروح الحديقة الخورافية.. وطبعا أحلامي ما تخلوا من الشطحات والتخاريف.. فكانت الأسماك تطير.. وتسبح في الماء العصافير.. والشلالات والنوافير.. والخضرة والنجيل << حديقة خورافية منجد 😀 .. وطبعا لمن يجتمعوا الجاوة مرة يتحمسوا في دي الأماكن.. فلعبنا شرعت وبالحبال، واتسلقنا الأشجار، وبلبطنا تحت الشلال، وقطفنا في الثمار.. ما سيبنا حتة إلا واتصورنا فيها!!! مني فاكرة التفاصيل بالضبط بس مرة كان الموضوع فللللة الصراحة.. وأهم شي لمن كنا نصطاد الروبيان من النافورة << ضحكت على نفسي لمن افتكرتها 😆

وبعد الجونان دا كله اضطرينا نرجع البيت مع التعب.. وانخمدنا الثلاثة على السرير ولحد داري عن التاني.. ولمن صحيت، لقيت فاتن قدام الآي ماك وقاعدة تكتب..سألتها اش بتسوي؟.. قالتلي بأوثق حدث أمس في مدونتي.. قمت رحت أشوف اش كتبت موضوع المدونة..

اسم المدونة: ” قردنة في الحديقة” << كويس ما قالت في حديقة الأنعام 😀

فطست ضحك في الحلم لدرجة اني قمت من النوم وأنا بأضحك << اتخيلوا شكلي كيف بس 😆

وماصدقت شاركت تويتر هذه اللحظة وطبعا منشن لريكس وتونا..ويسعدها تونا اتحمست وقالتلي انها تبغى تستضيفني في المدونة وأكتبلها الحلم << يا ريتني فاكرة التفاصيل.. بس كويس برضو لأنه يمكن  كفاية عليكم التخاريف اللي قلتها 😀

بس بما انه فاتن ما قد جربت تستضيف أحد فقال عقلها خليها تجرب عليا وانا وافقت << شوفوا بس التواضع << براااا 😀 .. وفي الاستضافة لقينا انه لازم المدون المستضاف (اللي هو حضرة جنابي) إما يكون عنده مدونة او مجرد ياخذ اسم مستعار مؤقت عشان يكتب المدونة وبعدها يتوكل.. وفي ديك اللحظة، قعدت دقيقتين مبلمة وصرت مترددة افتح مدونة وللا آخذ اسم مستعار؟؟ ويا لهول ما شعرت به.. تردد ما يتوصف في اتخاذ قرار بدء مشروع كبير بسبب حتة جونان مؤقتة مصدرها حلم محشش :mrgreen:.. وأنا مبلمة ولسع بأفكر لقيت يدي اختارت اني اسوي مدونة..وي؟؟ كيف؟؟ سويتها يعني؟؟ خلاص فتحت مدونة؟؟ << ياريت كانت في كاميرا تصورني 😛

وبفضل الله وتوفيقه.. هذه المدونة بين أيديكم نتجت عن شكحة مفاجئة.. والله أعلم ولم أكن أعلم.. كنت مفكرتها اني حأفتحها السنة الجية او أبعد كمان.. فأشكر الله الذي قدر لي فتح المدونة.. وشكرا يا حلم انك ضحكتني.. وشكرا يا تونا على دورك العظيم في الماضي والحاضر وفي الحلم كمان في سبيل فتح هذه المدونة 🙂

ويللا مرحبابكم تحت ظل شجرتي.. و بالعافية عليكم التوت كله.. وأعزموا اللي تحبوهم 🙂

وشكرا لمتابعة القراءة للآخر 🙂

 

Advertisements

9 Responses to “كيف زرعت الشجرة؟”

  1. ههههههههههههههه صارت رؤية دي مو حلم ههههههههههه
    بس حركة أول مرة أشوف مدونة تنفتح بسبب منام :mrgreen:
    استمري وأنا معاك 🙂

    • Tuta September 22, 2010 at 5:18 pm #

      شفتي كيف؟.. والله ما كنت متوقعة اني افتحها دي السنة اصلا..
      مررررة شووووكران على تشجيعك المستمر..
      بانزااااااي بانزاااي 😀

  2. indoo September 22, 2010 at 4:47 pm #

    ههههههههههههههههههههههههههههاااي
    حلم حفففففله لوحده !!
    بس بعد الحلم صارت شجره التوت حقيقه
    أحللللللللى والله ماشاء الله يعجبني الحماس

    موفقه ياااارب
    😀

  3. Rex Toma Nawato September 29, 2010 at 1:57 pm #

    ايوة كدة يا اوختي ماشاء الله عليكي اتعلمتي مزبوووط وعرفتي تطبقي حكمتنا وشعارنا المعروف:
    If you can dream it, you can do it! XD
    المعنى الحرفي لها ماشاء الله عليكي كان حلم واصبح حقيقة.

    استمررري استمررري واحلمي كثييييير عشان في يوم من الايام نقدر نروح لنافورة عشان نصطاد فيها الروبيان ههههههههه

    وبالله عليكي لا تنسي تنزلي الصور الكثيرة اللي لقطناها في كل حتة من الحديقة عشان نشارك المتعة زوار مدونتك<<<عاشت الدور بسرعة ماعليها ههههههه

    • Tuta September 29, 2010 at 8:23 pm #

      ايوة والله منجد، صدقي اني مالاحظت؟؟
      يللا الله يقدرنا نروح منجد رحلة ونشوف الروبيان ونعرف كيف يسبح << المسألة اللي كنا نتشاور فيها من اول خخخخ
      والله لو فيه بس اختراع يسجل الأحلام ويطبع الصور، كان سجلته ووريتكم هو على اليوتيوب :mrgreen:

  4. Modidoody September 29, 2010 at 2:15 pm #

    لا الحلم لااازم يتسوا فيلم :mrgreen:

    • Tuta September 29, 2010 at 9:21 pm #

      طيب يا سيدي خلاص لمن تدخل الجامعة خلي هدفك انك تخترع جهاز يسجل الأحلام وانا حأدعمك بأفلام ماحصلتش :mrgreen:

  5. KashKoli August 15, 2011 at 8:27 pm #

    شكلوا وقتها أمجد كان لسّه ما أتعلّم سواقة السيارة .. كان صغنّووووط 😛

  6. غَديرْ ، November 1, 2011 at 7:28 pm #

    سُبحان الله ، من شيء غير متوقع إلى شيء واقعْ وجميل كمان =”)
    الله يقويك يا أخية

قلنا رأيك ^_^

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: