Archive | تجميعــات RSS feed for this section

أقــدار.. بحكمـة!!

17 Feb

لمن تتعصلك معايا الأمور – وفي رواية تتعقد – أعصّب وانقهر واتنرفز.. ليش؟ ليش كدا يومي منكد؟ 👿 توتا روّقي.. ما صار شي يستحق العصبية.. الدنيا ما تستاهل.. وكلاماااات مدري ايش اللي اقولها عشان اشفي ضميري وأروق نفسي 😕

سبحان الله، من طبيعة الإنسان التذمر.. فلقد خلق الله الغضب في الإنسان وطبيعي الواحد يعصب.. بس برضو الشرع الإسلامي سوالها حدود على لسان المصطفى عليه الصلاة والسلام: ”لا تغضب“.. والحمدلله تتراود هذه الكلمات عقلي كل ما عصّبت واحاول انها تساعدني اني اروق، بدل ما كنت اروق زمان واسمع موسيقى وأغاني وفي النهاية علبة أعواد أذاني كاملة تغلق في اسبوع 😡 الله يغفرلنا ويرحمنا برحمته 😦 .. في النهاية اللي بيصرلك من أحداث.. تراه قَـدَر ومكتوب ماله داعي تتأفف منه.. واللي يقول ” الحمد لله على كل حال“ من القلب لا باللسان، ترى لها تأثيرها الإيجابي أكثر شي على الأعصاب 😀

مؤخراً.. راح عقلي في تفكير شوية عميق.. ولاحظت انه الأقدار تبهرني أحياناً.. مدري اش اقول عنها.. هل هي صُدف الحياة؟ وللا حكمة في الأقدار؟ وللا رسالة ربانية للبشر؟ 😯

Continue reading

Advertisements

تويتر..عالم آخر

3 Jan

المواقع الاجتماعية كثيرة في عالم النت.. معظمها تتواصل مع معارفك، وتشيّك على أحوالهم..إلا تويتر!!! هذا موقع إللي عرف فايدته حيدمن ويداوم عليه بدون ما يعطل وقته 😀 .. بس معليش تراه مهو زي الشات اللي يداوموا عليه أهلها..إلا >>>

منجد استمعت في عالم تويتر..فهو عالم اجتماعي افتراضي يعيشه الأصدقاء الحقيقيون ويتناقشون من خلاله عن هواياتهم المشتركة ويستفيدون من خبرات بعضهم.. لدرجة انهم لمن يتحمسوا التوتريين، شوية وتحس تبغى تقولهم >>>

:mrgreen:

وللا من كثر الإدمان اللي فينا على تويتر، يتعجب البعض ويقول >>>

فحبيت بس أبين في التدوينة هذه انه >>>

منجد ترى!!! تحس انه تويتر عالم آخر افتراضي.. يحفزك انك تسوي الشي لمن تشوف ناس كثير تعرف اللي بتسويه وتشجعك عليه 🙂 .. مع اني سمعت مقولة عن تويتر في دراما يابانية >>>

بس طبعاً مهما كان، تختلف آراء الأصدقاء في عالم تويتر.. فهو في النهاية ليس فقط لمن يشعر بالوحدة.. فجاوب بعضهم بالنفي كالتالي:

ومن جهة أخرى، في ناس أيّدوا الفكرة بطريقةٍ ما.. فهم يشعرون بأن تويتر يملأ وحدتهم..

عموماً، أنا ما اتفرجت الدراما كلها..بس يعني برضو تويتر له أهداف كثيرة عند التوتريين غير دي.. فتويتر مصدر للمعلومات والحكم ومكان للنكت والتحشيش والشطحات :mrgreen: .. وحأبيـّـن بعض النواحي اللي عجبتني ودفعتني اني اكون مدمنة تويتر 😀

ملاحظة: اذا لقيت تويتتين لشخص واحد، أقرأ اللي تحت بعدين اللي فوق << ترى في احتمال ٦٠٪ انك حتدوخ أثناء القراءة 😛 .. فأتمنى لك وقتاً ممتعاً 😉

* * * *

Continue reading

الزُغُـطّـة

19 Oct

طيب أكيد مجموعة كبيرة من قرائي الأعزاء حيقولوا اش دي الكلمة الغريبة؟

والله أنا أول ماجيت العالم دا وأهلي يقولولي اسمها زغطة بس اسمعها كثير من الناس يقولولها فهيقة.. ولمن دورت في النت اتفاجأت انه ترى لها أسماء كثيرة: الحازوقة << الإسم العلمي، الشهاق، الفواق، البوفهاق << ليا ربع ساعة وانا احاول انطقها، ابو فواق << حسبته اسم أول رجل اكتشف عمليه الزغطة 😛 ، أو الزقزوقة << هههه باعتبار انه الزغطة هي زقزقة الإنسان 😆

الزغطة – أو خلينا نقول الفهيقة – تحصل مع الناس بسبب تهيج الحجاب الحاجز زي ما قال موقع العالم اليوم بنظرة إسلامية، فينقبض فجأة لا إرادياً ويدخل الهواء في الحنجرة فتنفجع الحبال الصوتية وتنقفل فجأة فتسمع صوت الزقزوقة << عجبها الإسم :mrgreen: .. وعادة تستمر لمدة ثواني أو دقائق وتطول معايا أحياناً لمن اتنفر منها، مدري ليش 😐

والجدير بالذكر انه من أسباب حدوثها المعروفة: الفطس من الضحك، عشنّك تضحكي وتفضّي رئتك بعدين تسحبي هواء فجأة وتخرجيه وتدخّليه تاني وتحوس رئتك معاك وفي النهاية يشتكي الحجاب الحاجز لـ (أبو فواق) :mrgreen: .. والسبب التاني انه لمن الواحد ياكل ويشرب بشراهة، احياناً مع الحماس ينبلع الهواء مع الأكل وتنتفخ معدته اللي قاعدة تحت الحجاب الحاجز فينزعج حضرة الحاجب و (يُـثـار) منها 😕 .. عشان كدا يقولوا انه الفهيقة ردة فعل طبيعية تحمي الإنسان من الاختناق.. سبحان الله، واحنا كل ما تجينا فهيقة نتنكد وننزعج وما ندري انها نعمة ربنا علينا انها تحمينا من نتايج شراهتنا الزايدة لمن نكون جيعانين..الحمد لله 🙂

طيب كيف نوقف الفهيقة؟؟

Continue reading